1,122 Бардыгы /

Коомчулукка белгилүү болгондой, 2021-жылдын 11-апрелинде Кыргыз Республикасынын жергиликтүү кеңештеринин депутаттарын шайлоо өткөрүлөт. КР Борбордук шайлоо комиссиясынын даярдык иш-чаралары жана ПРООН менен ЮНИСЕФтин Кыргызстандагы шайлоолорду колдоо программасынын алкагында үстүбүздөгү жылдын 30-мартында К.Ш. Токтомаматов атындагы Эл аралык университетте (ЭАУ, Жалал-Абад ш.), т.а. ЭАУда жайгашкан №2106 тилкелик шайлоо комиссиясында, жаштарды тарбиялоо-окутуу максатында шайлоону өткөрүүнүн симуляциялык моделдөөсү уюштурулду. Бул иш-чарага №2106 тилкелик шайлоо комиссиясынын мүчөлөрү, ЭАУнун кызматкерлери менен студенттери, ПРООН жана ЮНИСЕФ өкүлдөрү катышты.Шайлоонун симуляциясы жогорку сапаттык деңгээлде уюштурулуп, шайлоого болгон бардык мыйзамдык ченемдер жана демократиялык талаптар аткарылды десек болот. Бул иш-чара студенттерде чыныгы кызыгууну туудуруп, тарбиялык-окутуучулук максатына жетти. Буйруса, келе жаткан шайлоонун чыныгы уюштурулушу бардык мыйзамдардын жана демократиялык талаптардын сакталуусу менен өткөрүлөт.

ЭАУнун Окуудан сырткары иштер, мамлекеттик тил жана коомчулук менен байланыштар боюнча проректор, филол.и.к., проф. Анвар ЖОЛДОШБАЕВ