1,488 Бардыгы /

БАТКЕН. Баткен облусунун аймагында жайланышкан медреселер арасында спорттун кичи футбол жана волейбол оюну боюнча мелдеш өткөрүлдү. Бул туурасында Баткен облусунун казысы Пазыл ажы Султанмуратов кабарлады.

Маалыматка караганда, аталган сорттук иш-чарада облус казысы Пазыл ажы Султанмуратов, Баткен облустук футбол федерациясынын башчысы Айбек Ражапов, казыят кызматкерлери, шаар-райондун баш имам хатибдери, медресе мугалимдери жана студенттер курамынан жалпы он эки команда күч сынашты.

Баса, аталган спорт оюндары Момунали Калматовдун жаркын элесине арналып өткөрүлүп, жыйынтыгында футбол оюну боюнча биринчи орунду Баткен районундагы “Нур” Куран жаттоо медресеси, ал эми волейбол оюну боюнча биринчи орунду Лейлек районундагы «Таир» медресеси ээледи. Спорттук таймашта жеңген командаларга уюштуруучулар тарабынан баалуу белек-бечкектер жана атайын кубок тапшырылды.

Алишер ТОКСОНБАЕВ “АЙМАК”