1,269 Бардыгы /

ЖАЛАЛ-АБАД. «Сергек жашоо мүнөзү” коомдук фондуу тарабынан жыйынтыктоочу тегерек стол болуп өттү анга Сузак району, Жалал-Абад, Кочкор-Ата, Кара-Көл, Таш-Көмүр шаарларындагы мериянын өкүлдөрү катышышты.

Аталган долбоор “Сергек жашоо мүнөзү” КФсы тарабынан ЮНИСЕФтин текникалдык колдоосу астында ВИГАнын каражаттарына КР Саламаттык сактоо министрлиги ж.б лардын колдоосу аркылуу ишке ашырылды. Аталган долбоор 4 аймак боюнча кеңири таралып, КОВИД-19га карата вакцина албаган жарандарга түшүндүрүү иштерин жүргүзүштү. Долбоор негизинде жергиликтүүлөргө ар кандай тренингдер, семинарлар уюштурулду.

Ноокен районунун кызматкерлери аталган ишке өз салымын кошуу максатында 6 жере өз семинарларын өтүп беришти. Аталган аймакта 66 адам вакцина албай, койгон болсо, алардын ар бир жаранына түшүндүрүү иштерин өткөрүшкөн. Жыйынтыгында учурда вакцина албаган жарандар, вакцина алышты. Андан сырткары жалпы 4 аймакта медицина кызматкерлерине атайы окутуу жүргүзүлүп аны менен өз билимдерин андары ары жогорулатышты.

Долбоордо эмгектенгендердин айтымында иш өтө оор, диний көз карашта болгондор, ар кандай себептерди ойлоп таап баш тартышкан. Айрым тургундар үйлөрүнө киргизбей коюшкан. Ошонго карабай белгиленген вакциналарды алуу ден-соолукка кам көрүү үчүн пайдалуу экендигин билдиришкен. Ошол иш аракеттердин натыйжасында 2015-жылдан бери 2 бала, 2016-жылдан бери 2 бала, 2019-жылда 5 бала, 2020-жылы 5 бала жалпы 16 балдардын документтери жок экендиги аныкталган. Бирок ошонго карабай ал балдарга карта түзүлүп эмдөө жүргүзүлгөн. Мындай иш-чараларда айыл өкмөттөрдүн орду чоң экендиги даана билинди.

Байканбек САДЫКОВ “АЙМАК”