675 Бардыгы /

21-апрелде Орусияда Алексей Навальныйды колдогон акциялар учурунда 96 шаарда 1770 киши кармалды. Бул тууралуу “ОВД-Инфо” маалымдады.

Санкт-Петербургда 808, Уфада 119, Казанда 66, Барнаулда 58, Сочиде 53, Воронежде 53, Кемероводо 36, Москвада 29 киши кармалган.

“ОВД-Инфо” күч түзүм кызматкерлери Санкт-Петербургда жапырт түрдө электрошокерлерди колдонгонун белгилөөдө.

Применение электрошокера силовиками в Петербурге. Нашли кадры, где это отчетливо видно. Видео от нашего подписчика. pic.twitter.com/lcQs1xT6iz— ОВД-Инфо (@OvdInfo) April 21, 2021

Петербургда кеминде 84 киши түнчүндө полиция бөлүмүндө калды. Алардын айрымдарына адвокаттар киргизилбей, кээ бирлеринин телефонун алып коюшканы кабарланууда.

Петербургдагы № 26 полиция бөлүмүндө аялдардын кыйкырыгы угулууда. Укук коргоочулардын маалыматы боюнча бир аялдын эки жашар баласы бар, аны үч сааттан ашык кармоого болбойт.

Женщину принуждали к фотографированию и пытались безосновательно взять отпечатки пальцев. Информации о применении к ней насилия нет. Сейчас она, как и почти все задержанные, все еще находится в отделе, ее завели в камеру— ОВД-Инфо (@OvdInfo) April 22, 2021

“ОВД-Инфо” Орусиянын башка шаарларында да полиция демонстранттарга күч колдонгонун, бери дегенде эле 21 киши сабалганын жазды.

Владимир облусунун Покров шаарындагы №2 түзөтүү абагында отурган Алексей Навальный 31-марттан бери ачкачылык жарыялаган. Аны караган дарыгерлер Навальныйдын саламаттыгы начарлап кеткенин, тез арада кийлигишүү болбосо анын өмүрүнө коркунуч туулушу мүмкүн экенин айтып чыгышкан.

WWW.