1,692 Бардыгы /

ЖАЛАЛ-АБАД Жалал-Абад ОИИБдин начальниги милициянын полковниги Ашим Тагаев райондук ички иштер бөлүмдөрдүн ишмердүүлүгү менен таанышууда. Ал Жалал-Абад ОИИБдин ЖКККБнын, Ала-Бука жана Аксы РИИБдин өздүк курамы менен жеринде жолугушуп,имараттын абалы, кызматкерлер үчүн түзүлгөн шарттары менен жакындан таанышып чыкты.

Жалал-Абад ОИИБдин басма сөз кызматы маалымдагандай Ашим Тагаев кызматкерлерди элибиз үчүн ак дилден татыктуу кызмат өтөөгө, кызматтык тартипти бекем сактоо мененбирге кылмыштуулуктун алдын алууга, катталган кылмыштардын бетин ыкчамдык менен ачууга жана жарандар менен болгон мамиледе сылык болууга чакырды. Ошондой эле милиция кызматкерлери коррупцияга, баңгизатына байланыштуу окуяларга аралашпоосу жана спирт ичимдиктеринен алыс болуусу керектигин катуу эскертип, бир катар тапшырмаларды койду.

“Жетекчиликтин алгачкы максаты сиздер үчүн толук кандуу шарт түзүү, бул багытта мен болгон аракетимди көрөмүн, сиздер ошого жараша чын дилден кызмат өтөп, коюлган тапшырмаларды өз убагында аткарыңыздар.  Ар бир жаран форма кийип милиция кызматкери боло албайт, сиздер менен катарлаш турабыз, демек сиздер мекенчил жана өз элин артык сүйгөн инсансыздар. Жогорку юридикалык билимдүүсүздөр, андыктан элдин көйгөйүн жеринде чечүү, жергебиздеги коомдук тартипти көзөмөлдөө, элдин милицияга болгон ишеничин арттыруу биз үчүн сыймык. Мен өздүк курамга толугу менен ишенем” – деп белгиледи Ашим Тагаев.

Жолугушууга келген Аксы районунун акимиЖыргалбек Шакиев жана ардагерлер сөз сүйлөшүп, Ашим Тагаевдин бул кадамдарын туура баалашып, облустун тынчтыгы, жарандарыбыздын коопсуздугу үчүн дайыма талыкпай эмгектене беришин каалашып, ден соолук тилеп ак баталарын беришти.   

“Аймак”