1,338 Бардыгы /

         БИШКЕК. Баткендеги “Головной” деп аталган суу бөлүштүрүүчү бекет толугу менен Кыргызстанга гана тиешелүү. Бул обьект 1970-жылы курулуп, 1973-жылы пайдаланууга тапшырылган. Бул жөнүндө «Головнойдун» курулушу боюнча архивдик маалыматта так жана абдан даана жазылган.

         Расимий маалыматка таянсак, Баткендеги “Головной” обьектиси Ош облусунун аймагына Кыргыз ССРинин Айыл-чарба жана суу ресурстары митистрлигинин буйрутмасы менен Баткен курулуш-монтаждоо башкармалыгынын (СМУ) “Ошводстрой” трести тарабынан курулган. Долбоорду жүзөгө ашыруунун баасы 384,2 миң рублди түзгөн. Мындагы максат суунун агымын “Кайырма” жана “Подводяший” каналдарына гана бөлүү болгон. “Подводяший” каналы “Төрт-Гүл” суу сактагычына келип куят, – деп жазылган архивдик маалыматтарда.

Эске салсак, учурда Кыргыз-Тажик чек арасындагы “Головной” суу бөлүштүргөн аймакта абал чыңалган бойдон калууда. Ушул жылдан 28-апрелинде саат 11:00 чамасында Баткен районунун Ак-Сай айылындагы Ак-Суу дарыясынын жээгинен тажик жарандары эксковатор жана «КамАЗ» менен шагыл жүктөп кеткен. Андан кийин 11:30 чамасында Көк-Таш айылындагы Ак-Суу дарыясында жайгашкан Баткен райондук суу чарба башкармалыгына караштуу «Головной» башкы суу алуу түйүнүн жарыктандыруу үчүн коюлган электр мамысына тажик жарандары өз алдынча видеокөзөмөл орноткон. Алар экинчи мамычага да камера орнотуп жаткан учурда Кыргыз чек арачылары токтотуп калган. Кыргызстандын аймагына тажик тараптан коюлган видеокөзөмөлдү алуу боюнча сүйлөшүү жүрүп жаткан учурда тажиктер ок чыгарган.

ТАЖИКСТАНДА БАРЫМТАДА КАРМАЛГАН ОН КЫРГЫЗСТАНДЫК МЕКЕНИНЕ КАЙТАРЫЛДЫ

БАТКЕН. Ушул жылдын 1-майында Кыргызстандын Баткен облусунун башчысы  Өмүрбек Субаналиев жана Тажикстандын Согдий облусунун башчысы Раджоббой Ахмадзоданын өз ара сүйлөшүүлөрүнүн натыйжасында, Тажикстанда барымтада турган он кыргызстандык Мекенине кайтарылды.  

Белгилей кетээрибиз: ушул жылдын 29-апрелинде эрте менен Тажик жарандары тарабынан Лейлек районунун Интернационал айылынын башчысы жана тогуз жергиликтүү тургун барымтага алынган эле.  

         Ушул тапта Мекенине кайтарылгандар Лейлек райондук үй-бүлөлүк дарыгерлер борборунда медициналык кароодон өтүп жатышат.

      БАТКЕНДЕГИ ЧЕК АРА ТЫНЧ ЭЛЕ

БАТКЕН. Кыргыз Республикасынын Улуттук коопсуздук мамлекеттик комитетинин Чек ара кызматынын коомчулук жана ЖМК менен байланышуу бөлүмү Кыргыз-Тажик мамлекеттик чек ара тилкесинде абал туруктуу экендигин маалымдайт.

Кыргызстандын жана Тажикстандын коргонуу ведомстволорунун офицерлер курамынан турган биргелешкен комиссиясы кошумча күч жана каражаттарды мамлекеттик чек ара сызыгынан  туруктуу жайгашкан жайларына тартып кетүү иштерин улантууда.  Ушул тапта Баткен районунун Карабак айылынын жана “Головной” суу бөлүштүрүү түйүнүнүн аймагын тараптар биргелешип кароо иштерин улантышты.   Азыркы тапта комиссия Баткен облусунун Баткен районунун Аксай жергесинде кадимкидей иштеп жатат.  Коопсуздукту камсыздоо максатында Кыргыз-Тажик мамлекеттик чек арасындагы өткөрүү бекеттеринде чек ара чыр-чатагы башталгандан тартып адамдарды, транспорт каражаттарын  жана жүктөрдү өткөрүү токтотулган. 

Акыркы сааттарда Тажик аскер кызматчылары “Ми-24” вертолету менен  Баткен облусунун Баткен районунун Торт-Көчө жана Чыр-Дөбө жерлерине абадан чабуул жасаган учурда Актатыр Айыл Өкмөтүнүн Ортобоз айылынын тургунунун үйүнө түшкөн авиациялык ракета табылды. Авиаракета жарылбай калгандыктан ал үйдүн тургундары жабыркашкан эмес. Ал жерде тергөө тобу иштеп жатат.

БАТКЕНДЕ ГУМАНИТАРДЫК ЖАРДАМДАРДЫ КАЛЫС БӨЛҮШТҮРҮҮ МАКСАТЫНДА ОБЛУСТУК КОМИССИЯ ИШТЕП ЖАТАТ

БАТКЕН. Баткен облусунда түзүлгөн кырдаалга байланыштуу облуска  келген гуманитардык жардамдарды туура жана даректүү бөлүштүрүү боюнча Кыргыз Өкмөтүнүн Баткен облусундагы ыйгарым укуктуу Өкүлү Өмүрбек  Субаналиевдин атайын буйругу чыккан.  Бул боюнча облустук комиссия түзүлгөн. 

Гуманитардык жардамдарды топтоо жана жеткирүү боюнча облустук комиссияны Кыргыз Өкмөтүнүн Баткен облусундагы ыйгарым укуктуу Өкүлчүлүгүнү аппарат жетекчиси Мунарбек Насиров жетектейт. Байланыш телефону: 0772 328 232

Гуманитардык жардамдарды бөлүштүрүү боюнча- Баткен шаарында Алтынбек Абдрахманов жооптуу. Байланыш телефону:  т: 0774457455

Лейлек районунда Максатай Каримбердиева жооптуу т: 0773076222

Баткен району боюнча Иляз Сайфидинов жооптуу. т:0779000042

Баткен облусуна гуманитардык жардам берүүнү каалагандар жогорудагы кызматкерлерге кайрылса болот. Ошондой эле төмөнкү эсепке каражат которууга болот.   Баткен облусундагы кырдаалга байланыштуу жардам берүүнү каалагандар төмөнкү эсеп боюнча же Элсом байланышуу номерине которсонуздар болот. Кыргыз Республикасынын Өкмөтүнүн Баткен облусундагы ыйгарым укуктуу Өкүлчүлүгү

р/с 4409021103005073

БИК 440001

Борбордук Казына

ИНН 01312199910086

Код платежа 14411100

БИК: 440902 которуу жолу МКП же ВКП аркылуу

Финка Элсом. 0772001616.Сейитказыев Алтынбек.

Алишер ТОКСОНБАЕВ

WWW.