2,169 Бардыгы /

БАТКЕН. Өкмөт төрагасынын орун басары Артем Новиков Баткенде Кыргыз Өкмөтүнүн облусундагы ыйгарым укуктуу өкүлдүгүнө дайындалган  Абдикарим Алимбаевди Баткен облусунун активине тааныштырды.

Абдикарим Алимбаевди Кыргыз Өкмөтүнүн облусундагы ыйгарым укуктуу Өкүлдүгүнө дайындаган  тиешелүү буйрукка Премьер-министри Улукбек Марипов кол койду. Буга дейре полковник Абдикарим Алимбаев Мамлекеттик чек ара кызматынын төрагасынын биринчи орун басары – Башкы штабдын башчысы кызматында абийирдүү эмгектенген. Ал эми ушуга чейин Кыргыз Өкмөтүнүн облусундагы ыйгарым укуктуу Өкүлүкызматын аркалаган генерал Өмүрбек Субаналиев башка кызматка которулду. Буга улай ыйгарым укуктуу Өкүлдүн орун басары Эрлан Сапарбаев  жазган арызынын негизинде ээлеген кызматынан бошотулуп, анын ордуна Лейлек районунун акиминин биринчи орун басары  Абдирашит Ташбалтаев дайындалды.

Соңку сааттарда Премьер-министр Улукбек Мариповдун буйругуна ылайык Баткен районунун акими Акылбек Орозов ээлеген кызматынан бошотулуп, анын ордуна Учкунбек Жоробаев дайындалса, Лейлек районунун акими Баймурат Бекмуратовдун ордуна Алмазбек Рахманкулов дайындалды. Кадамжай районунун акиминин милдетин аткаруучу Абдыманнап Жакбаров дагы өз каалоосу менен жазган арызынын негизинде кызматынан бошотулуп, Кадамжай районунун акими кызматына Кутпидин Шакиров бекилди.

Алишер ТОКСОНБАЕВ, өз кабарчы