939 Бардыгы /

Жалал-Абад ШИИБне 1993-ж.т. шаар тургуну Э.Р. арыз менен кайрылып, 2021-жылдын 3-май күнү 17:00 чамасында көп кабаттуу үйдүн подъездинен баасы 20 000 (жыйырма миң) сомдук «Трикс» үлгүсүндөгү велосипедин белгисиз кылмышкерлер уурдап кетишкендигин  маалымдайт Жалал-Абал ОИИБдин басма  сөз кызматы.

Аталган факты Жалал-Абад ШИИБдин КЖБРне КРнын Жазык кодексинин 200-беренеси (Уурдоо) менен катталып, сотко чейинки өндүрүш иши ачылган.

Жалал-Абад ШИИБдин Криминалдык милиция кызматынын кызматкерлери тарабынан аталган фактынын бетин изин суутпай ачуу максатында жүргүзүлгөн ыкчам-иликтөө иштеринин натыйжасында,Жалал-Абад шаарынын 1986-ж.т. тургуну А.Д. кармалып, 2 айга убактылуу кармоочу жайга киргизилген.

Тергөө иштеринин жүрүшүндө А.Д. өзүнүн кылмыштуу шериктери менен биргеликте 2020-жылдын апрель айынан тартып ушул күнгө чейинбир топ батир уурулуктарын жасашып, мал, телефон, үй тиричилик техникаларын, унаа тетиктерин, кийим-кече, азык-түлүктөрдү уурдап жүрүшкөндүгү белгилүү болгон. Жалпысынан келтирилген чыгым 100 000 (бир жүз миң) сомдон ашуун каражатты түзгөн.

Учурда тергөө амалдары уланууда.

WWW.