Аймак

МАНИЖА «EUROVISION-2021» СЫНАГЫНЫН ФИНАЛДЫК БӨЛҮГҮНӨ ӨТТҮ

МАНИЖА «EUROVISION-2021» СЫНАГЫНЫН ФИНАЛДЫК БӨЛҮГҮНӨ ӨТТҮ

 1,221 Бардыгы /

Нидерландынын Роттердам шаарында башталган «Eurovision-2021» ыр сынагына Орусиянын атынан катышып жаткан ырчы Манижа сынактын финалдык бөлүгүнө өттү.

Жарым финалда Манижа Russian Woman (“Орус аялы”) аттуу ырды аткарды. Ал сахнага Орусиянын түрдүү аймактарындагы ар улуттагы аялдар жөнөткөн кездемеден тигилген көйнөк кийип чыгып, ырдын ортосунда анысын башка көйнөккө алмаштырды.

Манижа РИА «Новости» агенттигине берген маегинде көйнөк —
аялдарга «бошонууга» мүмкүндүк бербей келген көп кылымдык салттардын символу экенин билдирди.

«Eurovision» сынагынын 22-майда өтө турган финалдык бөлүгүнө Орусиядан тышкары Норвегиянын, Израилдин, Азербайжандын, Мальтанын, Литванын, Кипрдин, Швециянын, Бельгиянын жана Украинанын өкүлдөрү да чыгышты.

Манижа — тажик тектүү орусиялык ырчы. Ал «Биринчи канал» уюштурган көрүүчүлөрдүн добуш берүүсүндө жеңүүчү деп аталгандан кийин интернетте ырчы тууралуу ксенофобиялык билдирүүлөр пайда боло баштаган. Буга байланыштуу Орусиянын Тергөө комитети жек көрүүчүлүктү же душмандыкты козутуунун белгилери бар-жоктугу боюнча ырдын текстин текшергеникабарланган.

Манижа 1991-жылы Тажикстанда туулуп, кийин үй-бүлөсү менен Москвага көчүп кеткен. Ал 12 жашынан баштап музыка менен алектенет. 2020-жылы Орусиянын атынан биринчи жолу БУУнун Качкындар иши боюнча агенттигинин ыктыярдуу элчиси болгон. Мындан тышкары Орусиядагы үй-бүлөлүк зомбулукка каршы өнөктүктөргө катышып келет.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17