1,204 Бардыгы /

ЖАЛАЛ-АБАД. Аксы РИИБдин өздүк курамы милициянын майорун ардактуу эс алууга узатышты.

Жалал-Абад ОИИБдин басма сөз кызматы маалымдагандай, Аксы райондук ички иштер бөлүмүнүн начальниги, милициянын полковниги А.Мырзамамытов өздүк курамы менен милициянын майору Талантбек Кожобековду ардактуу эс алууга узатышып, ардагерге өтөгөн кызматы үчүн ыраазычылык айтып, сый белектерди тапшырды. Кызматкерлердин атынан ага бекем ден соолук каалашып, ардактуу эс алууда сый-урматтын үстүндө болуусун тилешти.

Ошондой эле А.Мырзамамытов райондук ички иштер бөлүмүнүн  2 ардагерине КР ИИМдин “Кыргыз милициясына 95 жыл” юбилейлик медалын тапшырды. Алардын милицияда иштеген жылдарда топтогон зор тажрыйбаларын жаш кызматкерлер менен бөлүшүүгө чакырды.

Мындан сырткары Аксы РИИБдин жетекчилиги балдар үйүнө барышып, камкордукка алынган балдарга белектерди тапшыруу менен акчалай колдоо көрсөтүп, мындан ары да балдар ар дайым камкордукка алынаарын белгиледи.