1,113 Бардыгы /

ЖАЛАЛ-АБАД. Жалал-Абад облусунун Сузак районунун Өрүктү тилкесиндеги шахта урап, мунун кесепетинен 46 жана 44 жаштагы эки киши жеринде каза тапты.

Өзгөчө кырдаалдар министрлигинин маалыматана караганда, Маркай айылынын Өрүктү тилкесинде жайгашкан шахта ичинен урап, анын ичинде эки киши калып калган. ӨКМдин куткаруучулары маркумдардын (1975-жылы туулган, 1977-жылы туулган) сөөктөрүн шахтадан эптеп чыгарышып, туугандарына дароо өткөрүп беришти.

Кыргызстанда акыркы кезде көбүнчө Баткен жана Жалал-Абад облустарында тургундар шахтадан өз алдынча көмүр казышып, каза тапкан учурлар арбып баратат. Жыл башынан бери көмүр шахталарында урап түшкөн үч кырсык катталып, андан төрт адам каза тапты. Мындан тышкары дагы үч киши түрдүү даражада  жараланды.

Алишер ТОКСОНБАЕВ, өз кабарчы