1,324 Бардыгы /

Тажикстан калкынын электр энергияга болгон карызы 1,3 млрд сомонини (115 млн доллар) түздү. Бул тууралуу “Электр түйүндөрүн бөлүштүрүү” ачык акционердик коомунун жетекчилеринин бири Исмоил Маликов билдирди.

Исмоил Маликов бул карыз көп жылдар ичинде топтолгонун белгиледи.

Бул арада “Барки точик” компаниясынын жооптуу кызматкерлеринин бири калктын карызы 10-20 жылдан бери топтолгонун, бийлик талдоо жүргүзүп аларды кечиши керектигин айтты.

“Эл аралык аудиторлордун сунушуна карабай, өкмөт эбак жок болгон колхоз менен совхоздордун карызын кече элек”, – деди ал.

Бул арада энергохолдингдин айрым жумушчуларынын айтымында, жогорку кызматтагы аткаминерлердин туугандарына таандык ишканалардын электр энергиясына болгон карызы өтө көп.

WWW.