2,691 Бардыгы /

БИШКЕК. Латын америкалык Дүйнөлүк Жазуучулар Союзу Түндүк, Борбордук жана Түштүк Америка, Европа, Азия, Африка континенттериндеги жана Океаниядагы эң мыкты акындардын тизмесин жар салды. Бул туурасында Кыргызстандын басмакана жана китеп таркатуучулар Биримдигинин аткаруучу директору Олег Бондаренко билдирди.

Латын америкалык Дүйнөлүк Жазуучулар Союзу Түндүк, Борбордук жана Түштүк Америка, Европа, Азия. Африка континенттериндеги жана Океаниядагы эң мыкты акындардын сап башында Кыргыз акыны Рахим Каримди (Каримовду) атады. Мындан тышкары Рама Кришна Перугу (Индия), Срикала П. Виджаян (Индия), Нгок Ле Нинь (Вьетнам), Свапна Бехера (Индия), Рохини Бехера (Индия), Лейла Исык (Туркия), Лузвиминда Габато Ривера (Филиппин), Дипти Гупта (Индия), Алан Лью (Малайзия), Лилиан Ву (Малайзия), Вандана Судиш (Индия), Ломас Кумар Бхатт (Индия), Кае Мори (Жапония), Лили Сварн (Индия) дагы эң мыкты акын деп таанылышты.

Айтмакчы, оштук акын Рахим Карим (Каримов) – кыргыз, өзбек жана орус тилдеринде бирдей жазган калемгер. Москва шаарындагы Адабият институтунун бүтүрүүчүсү. Молдо Нияз атындагы республикалык адабий сыйлыктын лауреаты.

Алишер ТОКСОНБАЕВ, өз кабарчы