1,113 Бардыгы /

Жалал-Абадда жол көзөмөлдөөчүлөр “Тартип” аталышындагы 5 күндүк рейддик иш-чарасынын биринчи этабын жыйынтыктады.

Жалал-Абад облустук ЖККККБнын үгүт насаат иштери боюнча инспектору Айбек Сатыбалдиев билдиргендей, рейд учурунда жалпы 1130 ар кандай жол эрежелерин бузган фактылар катталган. Анын ичинен 63 айдоочу мас абалында унаа башкаргандыгы маалым болду. Аларга мыйзам чегинде 17500 сомдон айыппул салынды. Ошондой эле 104 унаа атайын айып короого киргизилген.

Аталган рейддик иш-чара облустук Жол кыймылынын коопсуздугун камсыз кылуу бөлүмү тарабынан Жалал-Абад ОИИБдин тийиштүү тескемесинин жана иш-мерчеминин негизинде, Жалал-Абад облусунда кылмыштуулуктун ошондой оор кесепеттер менен коштолгон жол унаа кырсыктарынын алдын алуу жана болтурбоо максатында өткөрүлдү. Бул иш-чара мындан кийин да улантылмакчы.

Белгилей кетсек, акыркы жылдары жол кырсыктары кескин көбөйүп, адам өмүрлөрү да көп кыйылып жатканын адистер белгилешет. Жалал-Абад аймагында алты айда эле 264 жол кырсыгы катталып, анда 68 жаран каза болгон.

WWW.