1,053 Бардыгы /

БИШКЕК. Кыргызстан менен Тажикстан дагы 40 чакырым чек ара тилкеси боюнча өз ара макулдашты. Бул жөнүндө тууралуу Кыргыз Өкмөтүнүн чек араны делимитация жана демаркациялоо боюнча комиссиясынын мүчөсү Абдулат Мырзаев ачыктады.

• Акыркы үч жолугушуунун жыйынтыгында тараптар дагы 40

чакырым боюнча өз ара макулдашты. Августта Тажикстанда жолугушуу пландалууда. Андагы макулдашуулардын жыйынтыгы боюнча дагы өзүнчө маалымат таратылат. Бирок, иш абдан кызуу жүрүп жатат. Бирок, бул маселе так качан чечиле тургандыгын айтуу кыйын, – деп чындыкты моюндады Кыргыз Өкмөтүнүн чек араны делимитация жана демаркациялоо боюнча комиссиясынын мүчөсү Абдулат Мырзаевң

Баса, быйыл 12-17-июлда Бишкекте жүргөн жолугушуунун соңунда Кыргыз-Тажик мамлекеттик чек арасын делимитациялоо жана демаркациялоо боюнча тийиштүү протоколго кол коюлган. Кыргызстан менен Тажикстандын чек арасынын узундугу 970 чакырымга созулса, мунун 519 чакырымы гана такталган. Өткөн айдын соңунда Душанбе шаарында Кыргызстан менен Тажикстандын Президенттери жолугушканда, Чек ара боюнча документ кабыл алынган эмес.

Алишер ТОКСОНБАЕВ