1,176 Бардыгы /

ОШ. Араван районуна караштуу Ленин айылындагы Фергана каналына чөгүп кеткен адамдын денеси Өзбекстандын аймагынан араң табылды.

Өзөчө кырдаалдар министрлигинен кабарлашкандай, Аравандын тургуну каналга агып кеткени белгилүү болгондон кийин ӨКМдин 19 куткаруучусу, ошондой эле ИИМдин 2 кызматкери жана жергиликтүү он турган аны кыдырата издеген. Жарандын Өзбекстандын аймагына агып кетиши мүмкүн экендиги дагы айтылып, андыктан Анжиян облусунун Мархамат районунан дагы 4 куткаруучу тартылган. Ошентип, маркумдун денеси Өзбекстандын куткаруучулары тарабынан табылып, туугандарына дароо өткөрүлүп берилди.

Маалыматка караганда, Араван районуна караштуу Ленин айылындагы Фергана каналына 1991-жылы туулган тургуну С.Д. чөмүлүп жатып, сууга чөгүп кеткен. Ал үй-бүлөлүү, эки баланын атасы эле.

Алишер ТОКСОНБАЕВ