1,566 Бардыгы /

     БАТКЕН. Баткен облусунда Тажикстандын кол салуусунан жапа чеккен үйлөрдүн курулушу 1-сентябрга каратат аяктайт. Бул жөнүндө Министрлер кабинетинин төрагасынын биринчи орун басары Айбек Жунушалиев ачыктады.

         Анын айтымында, ушул тапта Баткен жана Лейлек райондорунда 140 үйдүн курулушу абдан кызуу жүрүп жатат.

• Ошондой эле Баткенде кагылышуудан каза тапкан жарандардын

жакындары үчүн курулуп жаткан 36 үйдүн курулушу дагы дээрлик 80-90 пайызга бүтүп калды. Анда электр энергиясы тартылып, канализация жана таза ичүүчү суу маселелери гана ырааттуу чечилип жатат, — деп кошумчалады биринчи вице-премьер-министр Айбек Жунушалиев.

Ошондой эле Айбек Жунушалиев аталган үйлөр демөөрчүлөрдүн каражатынын эсебинен гана курулуп жаткандыгын кошумчалады. Буга улай социалдык объектилердин курулушу жана оңдоп-түзөө иштери дагы кызуу улантылууда. Бул иштерге мамлекеттик бюджеттен 450 миллион сом ажыратылган. Жалпысынан 8 объект, мунун ичинде 5 мектеп, 2 бала бакча жана 1 ФАП кайрадан калыбына келтирилет.

• Өткөн жумада Баткен облусун калыбына келтирүү боюнча

мамлекеттик комиссиясынын атайын жыйыны өткөрүлдү. Мында  бардык иштерди 1-сентябрга чейин буткөрүү тапшырмасы катуу берилди, – деди Министрлер кабинетинин төрагасынын биринчи орун басары Айбек Жунушалиев.

Ошондой эле Айбек Жунушалиев Максат айылында демөөрчүлөр 2 ФАП жана 1 бала бакча курууну дагы өз моюнуна алышкандыгын кошумчалады.

• Баткендеги курулуш жараяны бүт Президент Садыр Жапаровдун

жана министрлер кабинетинин төрагасы Улукбек Мариповдун туруктуу көзөмөлүндө. Биз күн сайын аларга маалымат берип турабыз, – деди Өкмөт мүчөсх Айбек Жунушалиев.

Алишер ТОКСОНБАЕВ