2,997 Бардыгы /

ОШ. Калемгер Данияр Жаныкулов Кыргыз Республикасынын Президентинин Ош облусундагы ыйгарым укуктуу Өкүлүнүн орун басарлыгына дайындалды. Жаңы жетекчи бүгүн эмгек жамаатына тааныштырылды.

Айтмакчы, Данияр Жаныкулов 1980-жылы төрөлгөн. Эмгек жолун 1998-2001-жылдарда Талас облустук жаштар комитетинин төрагасы катарында баштаган.

Буга дейре КТРК “Ала-Тоо” программасында кабарчы, жооптуу редактор, ЭлТР МТРКсында башкы продюсер, Маданият жана маалымат министрлигинде басма сөз катчысы, министрдин жардамчысы, “Ата Журт” саясый партиясынын төрагасынын орун басары, “Ата Журт” партиясынын саясый Кеңешинин төрагасынын орун басары, Альянс-Алтын” компаниясынын коомчулук менен байланышуу бөлүмүнүн башчысы катарында жигердүү эмгектенген.

Кесиптешибизге жаңы жана жооптуу жумушунда ийгиликтерди гана тилемекчибиз!

Алишер ТОКСОНБАЕВ