1,107 Бардыгы /

ЖАЛАЛ-АБАД. Токтогул РИИБдин кызматкерлери тиешелүү кызмат өкүлдөрү менен биргеликте район борборунан 60 чакырым алыстыкта жайгашкан Үч-Терек айыл аймагында профилактикалык иштерди жүргүзүштү.

Жалал-Абад ОИИБдин басма сөз кызматы маалымдагандай,

алар милициянын көчмө кабылдама унаасы менен айылдарды кыдырышып, жергиликтүү тургундардын суроолоруна жооп беришип, сунуштарын угушту.

Ошондой эле жаш өспүрүмдөр арасында кылмыштуулуктун алдын алуу багытында түшүндүрүү иштери жүргүзүлдү. Эпидемиологиялык кырдаалды эске алып, жугуштуу оорудан сактануу керектиги эскертилди.

Мындан сырткары жарандарга ыңгайсыздык жаратып тилемчилик менен алектенгендерди аныктоо иш-чарасы болуп өттү.