1,110 Бардыгы /

ОШ. Ош шаардык ички иштер башкармалыгына караштуу Милициянын кайгуул кызматы ушул тапта мектеп окуучуларынын коопсуздугун толук кандуу камсыз этип жаткан чагы.

Жаӊы окуу жылынын башталышы менен жаш өспүрүмдөрдүн катышуусундагы жол унаа кырсыктарынын алдын алуу жана таптакыр болтурбоо, ошондой эле мектеп окуучуларынын арасында жол кыймылынын эрежелерин пропагандалоо максатында Ош калаасынын мектептеринде сабактарды жана аӊгемелешүүлөрдү өткөрүү үчүн үстүбүздөгү жылдын 15-сентябрынан баштап 15-октябрына чейин бир айлык “Салам мектеп!” рейди дагы үстөккө-босток өткөрүлүүдө. Мындан тышкары жаш өспүрүмдөрдүн коопсуздугуна катуу көңүл бурулуп, алардын катышуусундагы жол унаа кырсыктарынын алдын алуу үчүн унаа жолдордун боюнда жайгашкан мектептердин алдындагы жөө өткөөлдөргө окуучулардын элесин чагылдырган маникендер жасалып, шаарыбыздын орто мектептеринин баарына тең тапшырылды.

Буга улай Кыргыз Республикасынын президентине караштуу Антикоррупциялык ишкердик Кенешинин кызматкерлери менен чогуу-чараан башталгыч класстардын окуучуларына жол коопсуздугун алдын алуу, жолдо коопсуз жүрүү жана жол эрежесин үйрөтүү багытында сабактарды өтүүдө жана балдарын алгачкы класска жетелеп келген ата-энелерге окуучулардын коопсуздугу үчүн үйгө барып келүүчү коопсуз маршруттарын, коопсуз жөө жүрүүчү жолдорду үйрөтүү керектигин түшүндүрүү жараяны ого бетер күчөтүлдү.