1,074 Бардыгы /

ЖАЛАЛ-АБАД. Жалал-Абадда экстремисттик идеологияны жайылтууга күмөндөлгөн жаран кармалды. Бул тууралуу Жалал-Абад облустук ички иштер башкармалыгынан билдиришти.

 Маалыматка караганда,  аталган факт бирдиктүү реестрге катталган. Козголгон кылмыш иштин алкагында 51 жаштагы Х.М кармалды. Ал Кыргызстанда тыюу салынган Хизб ут-Тахрир аль-Ислами уюмунун мүчөсү экен. Аталган уюмдун идеологиясын коңшуларына тараткан. Кошумчалай кетсек, бул киши тыюу салынган уюмдун идеологиясын WhatsApp группаларында жайылткан. Х.М.нын үйүн тинтүү маалында, буга далил заттар табылды. Соттун чечимине ылайык шектүү эки айга камакка алынды.

Айтмакчы, мурда милицияга шаардагы бир жаран өлкөнүн конституциялык түзүлүшүн бузууга чакырган материалдарды таратып жаткандыгы тууралуу маалымат түшкөн эле. Буга шектелп Х.М. кармалды.

Алишер ТОКСОНБАЕВ, өз кабарчы