1,233 Бардыгы /

ЖАЛАЛ-АБАД. Жалал-Абад шаарынын Живпром жаңы конушунун жашоочулары ичилүүчү суу менен эми гана камсыз этилип олтурат.

Айтмакчы, аталган жаңы конушта жашаган 122 үй-бүлѳ Жалал-Абад шаардык мэриясы жана БУУнун “Бүткүл дүйнөлүк азык-түлүк” Программасынын көмөгү аркасында ичилүүчү таза суу менен толук кандуу камсыздалды.Жалал-Абад шаарынын мэри Эрнисбек Ормоков Живпром жаңы конушундагы жолдорго асфальт төшөө, таштандысын атайын техникалардын көмөгү аркасында тышка ташуу, электр мамычаларын орнотуу, түнкү жарыктандыруу, маршруттук каттамдардын интервалын азайтуу өңдөнгөн көйгөйлөрдү жеринде тыңдап, баарын тең жергиликтүү тургундардын өз оозунан дыкаат эшитти.

Жалал-Абад шаарынын Живпром жаңы конушунун жашоочуларынын олуттуу маселелерин жеринде тыңдагандан кийин калаанын мэри Эрнисбек Ормоков келерки 2022-жылы жергиликтүү бюджеттин мүмкүнчүлүгүнө жараша бул калктуу конуштун көйгөйлөрү чекесинен чечиле тургандыгын катуу убадалады.

Алишер ТОКСОНБАЕВ, өз кабарчы