Аймак

ОРУСИЯДАГЫ КЫРГЫЗ МИГРАНТТАРЫНЫН ТЕҢИНЕН КӨБҮ – АЯЛДАР

ОРУСИЯДАГЫ КЫРГЫЗ МИГРАНТТАРЫНЫН ТЕҢИНЕН КӨБҮ – АЯЛДАР

 864 Бардыгы /

          МОСКВА. Акыркы беш жыл аралыгында Орусияга Кыргызстандан барышкан аял мигранттардын саны дээрлик он  пайызга өскөнү ачыкталды. Анткени, жыл сайын Кыргызстандан 50 миңге чукул адам чет мамлекетке иштегени жөнөшөт. А булардын басымдуулугу Орусияга барышат. Бул туурасында Дүйнөлүк конференцияда Кыргызстандын Орусиядагы Элчисинин кеңешчиси Манас Жолдошбеков жар салды.

Манас Жолдошбековдун айтымында, Орусиянын аймагында болжол менен 700 миңден 1 миллионго чейинки мигранттар жүрүшөт. А мунун жарымынан көбү – аялдар. Акыркы беш жыл аралыгында ичинде Орусияга Кыргызстандан барышкан аял мигранттардын саны дээрлик он  пайызга өстү. А Федералдык миграциялык кызматтын маалыматы боюнча, 2016-жылы бул сан 40 пайыздан ашчу эмес!

Орусия президентинин алдындагы улуттар аралык мамилелер Кеңешиндеги комиссия эксперти Раимкул Аттокуров бейрасмий маалымат боюнча Осусияда Кыргыз мигрант аялдардын саны 60 пайызга жакындаганын кошумчалады.

Ал эми Кыргызстандын Орусиядагы Элчисинин кеңешчиси Манас Жолдошбеков мигрант аялдардын укугу бузулган учурларды каттоого алчу коомдор бар экендигин жашырган жок: – Аялдар психологиялык, сексуалдык жана күч колдонгон зордук-зомбулукка тушугушат. Айрымдары туура эмес жумушка дагы орношуп алышат. Бирок, кээ бири эмгек келишимдерин түзбөгөндүктөн, укуктарын толугу менен коргой албай калып жатышат.

Кыргыз Элчилигинин өкүлү Манас Жолдошбеков мындай учурларга кабылып калбаш үчүн сөзсүз эмгек келишимин сөзсүз түзүү керектигин дагы бир ирет эскертип, Кыргызстандын Орусиядагы Элчилиги консулдук мекемелеринде юристтердин санын көбөйтүп жаткандыгын шардана кылды.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17