1,557 Бардыгы /

          ОШ. Үстүбүздөгү жылдын 14-17-октябрь күндөрү Ош шаарында “Элс” продюсердик борбору тарабынан Орусия Элчилигинин жана Кыргыз Республикасынын Маданият, маалымат, спорт жана жаштар саясаты министрлигинин колдоосу аркасында уюштурулган Кыргызстандагы Орус киносунун күндөрү өткөрүлөт.

Кыргызстандагы Орус элчилигинен маалымдашкандай, аталган кинофестивалда Орусиянын жаңы “Өрт”, “Күмүш коньки”, “Талаага 0 сарматтарга”, “Подольск кадеттери” көркөм тасмалары Ош шаарындагы айтылуу “Кинобокс Семетей” кинотеатрында көрсөтүлөт.Кирүү акысыз. Орус киносунун күндөрүнүн Ош шаарындагы продюсери – Орусиянын маданиятына эмгек сиңирген ишмер Елена Лебедева.

Кыргызстандагы Орус киносунун күндөрү фестивалынын алкагында Орусиянын эмгек сиңирген артисти, театр жана кино актрисасы Марина Яковлева менен ОшМУда чыгармачылык жолугушуу дагы өткөрүлөт.

Алишер ТОКСОНБАЕВ, өз кабарчы