1,641 Бардыгы /

          БИШКЕК. Кыргыз Республикасынын УКМКсына караштуу Чек ара кызматында укук бузууларга жол бербөө жана аскер кызматкерлери арасында жемкорлук жоруктарды кыскартуу максатындагы иш-чаралар активдештирилди.

Кыргыз Республикасынын УКМКсына караштуу Чек ара кызматынын коомчулук жана ЖМКлар менен байланыш бөлүмүнүн маалыматына  караганда, Кыргыз Республикасынын УКМКсына караштуу Чек ара кызматынын акыркы кызматтык иликтөөсүнүн жүрүшүндө мамлекеттик жана аскердик сырды сактаган маалыматтарды сактоодо мүчүлүштөр ачыкталды. Мунун кесепетинен Баткен облусундагы «Кадамжай-автодорожный» көзөмөл-өткөрүү бекетинин башчысы, майор Р.Д. кызматынан четтетилди. Ошентип, ушул тапта аталган офицерга карата Кылмыш-Жаза Кодексинин бир нече беренелери боюнча сотко чейинки өндүрүш кызуу жүрүүдө. Мындан тышкары ушул жылдын сентябрында Ысык-Көл райондук сотунун чечимине ылайык майор Р.Д. эки аймага камалып, Кылмыш-Жаза Кодексинин  268-беренесинин 2-пункту менен күнөөлөнүп жаткан чагы.

Кыргыз Республикасынын УКМКсына караштуу Чек ара кызматы мындан ары жемкорлук менен күрөшүүгө аеосуз көрөш жарыялангандыгын дагы бир ирет эскертет. Буга ылайык ар бир аскер кызматкерине аларга тиешелүү мыйзамдын чоо-жайы түшүндүрүлүп, а түгүл жосунсуз жоруктардын алдын алуу чаралары дагы күчөтүлдү. Кыргыз Республикасынын УКМКсына караштуу Чек ара кызматы жарандардын ар бир даттануусу – аразы көңүл сыртында калбай тургандыгын убадалап, а мындай иш-чаралар мындан ары үзгүлтүксүз жүрүзүлүп тураарын убадалады. Ошентип, ар бир аскер кызматкеринин жоопкерчилиги күчөтүлүп, атайын текшерүүлөрдүн жыйынтыгына ылайык алардын жоруктарына укук коргоо органдары тарабынан юридикалык баа дагы берилип турмакчы.

Кыскасы, Кыргыз Республикасынын УКМКсына караштуу Чек ара кызматы мыйзамдын орой бузушкан, ошондой эле жемкорлукка аралашкан  аскер кызматкерлерине карата мындан ары катаал чаралар көрүлөөрүн эскертти.

Алишер ТОКСОНБАЕВ, өз кабарчы