1,476 Бардыгы /

          БИШКЕК. Ички иштер министринин мурунку орун басары Курсан Асановдун жактоочусу Чынара Жакупбекова Москва жана Алматы шаарларынан келишкен эксперттер ушундай тыянакка келишкендигин,  “Бийликти басы алабыз!” деген үн генералга таптакыр таандык эместигин шардана кылды.

Чынара Жакупбекова редакциябызга экспертиза корутундусун тыңдап олтуруп, үн атайын монтаждалгандыгын, ошол себептүү Курсан Асановдун үнү экендигин аныктоо абдан кыйынга тураарын дагы кошумчалады.

• Адистер Ички иштер министринин мурунку орун басары Курсан

Асановдун бийликти басып алуу жөнүндөгү чакырыгы монтаждалгандыгын моюндашты. Документте баары сенкундасына чейин белгиленди, а түгүл эки жана андан ашуун жеринде монтаж бардыгы даана ашкереленди, – деди жактоочу Чынара Жакупбекова.

          Айтмакчы, ички иштер министринин мурдагы орун басары Курсан Асанов жана АКА АК ЗАО “Толубайдын” директорлор кеңешинин мурдагы мүчөсү, Жогорку Кеңеш депутаттыгына талапкер Алмаз Сарыбаев бийликти күч менен басып алууга шектелип кармалган. Бул ишке мурдагы президент Алмазбек Атамбаев менен депутат Жанар Акаевдин дагы тиешеси бар экендиги айтылган. Буга социалдык тармакта тараган Курсан Асанов менен Алмаз Сарыбаевдин болжолдуу сүйлөшүүсүнүн аудиожазуусу негиз болгон. Ушул тапта Ички иштер министринин мурунку орун басары Бишкек шаарынын тергөө абагында өтө коркунучтуу кылмышкерлердин камерасында кармалып турат.

Алишер ТОКСОНБАЕВ, өз кабарчы