1,227 Бардыгы /

          ООГАНСТАН. Кыргыз Республикасынын Президенти Садыр Жапаровдун тапшырмасына ылайык Оооганстандын Улуу жана Кичи Памиринде жашап жатышкан этникалык кыргыздарга гуманитардык жардам жеткирилди.

Айтмакчы, Памир кыргыздары өтө бийик тоолуу катаал табигый климаттык шартта жашашат жана кышкы суук бул жерге дээрлик эрте түшөт.

Памирлик кыргыздар үчүн — 55 тонна ун, 14 тонна күрүч, 7 тонна макарон, 4000 литр өсүмдүк майы, 5 тонна туз, 10 тонна кумшекер сатылып алынган эле. Бул азык-түлүк алдыдагы жылдын кыш мезгилинде чет өлкөлүк боордошторубузду азык-түлүк менен толук кандуу камсыз кылууга мүмкүнчүлүк берет.

Ал эми ушул тапта аталган гуманитардык жүк белгиленген жерге дейре толук жеткирилип, памирлик кыргыздар арасында калыс бөлүштүрүлдү.

Алишер ТОКСОНБАЕВ, өз кабарчы