1,884 Бардыгы /

ЖАЛАЛ-АБАД. 7-октябрда К.Ш. Токтомаматов атындагы Эл аралык университеттин (ЭАУ, Жалал-Абад ш.) Илимий изилдөөлөр, иштелмелер жана инновациялар борборунда 08.00.05 – “Экономика жана эл чарбасын башкаруу” адистиги боюнча экономика илимдеринин кандидаты окумуштуулук даражасын алуу боюнча эки изденүүчүнүн диссертацияларынын жактоосу болуп өттү.

ЭАУнун кесиптик багыт берүү жана коомчулук менен байланыштар кызматы

маалымдагандай, жактоо ЭАУ менен ОшМУга караштуу Д. 08.20.606 диссертациялык кеңешинде өткөрүлдү. Жактоочулар: Ажиматова Наргиза Мырзакабуловна – ЭАУнун окутуучусу, диссертациясынын темасы “Жер каражаттарын натыйжалуу пайдалануунун негизинде чөлкөм экономикасынын туруктуу өнүгүүсү”; Жамашева Гүлбара Султанбековна – ЖАМУнун окутуучусу, диссертациясынын темасы “Кыргыз Республикасынын кайра иштетүү тармагындагы ишканаларынын азыркы шарттарда өнүгүүсүндөгү экономикалык тобокелдерди башкаруунун механизмдерин өнүктүрүүнүн негизги багыттары”. Аталган диссертацияларда өлкөнүн жана анын чөлкөмдөрүнүн экономикалык өнүгүүсүнүн актуалдуу маселелери каралган. Жактоолор ийгиликтүү өттү.