1,149 Бардыгы /

ЖАЛАЛ-АБАД. Жалал-Абад облустук милициясы кылмыштуу топту түзүүгө шектелип издөөдө жүргөн жаранды кармады.

Жалал-Абад ОИИБдин басма сөз кызматынын маалыматына ылайык,  ОИИБдин криминалдык милиция кызматынын уюшкан кылмыштуулукка каршы күрөшүү бөлүмчөсүнүн кызматкерлери тарабынан уюшкан топту түзүү же ага катышууга шектелген 1983-ж.т. Д.У. кармалып, убактылуу кармоочу жайга киргизилди. Ал ар кандай кылмыштуу топтун мүчөсү, мурда бир нече жолу ар түрдүү кылмыштарды жасап соттолуп чыккан.

Д.У. Жалал-Абад ОИИБдин тергөө кызматы тарабынан Кыргыз Республикасынын Жазык кодексинин 248-беренесинин (Уюшкан топту түзүү же ага катышуу) негизинде ачылган сотко чейинки өндүрүш иши боюнча издөөдө жүргөн.