2,100 Бардыгы /

ОШ. Кыйноолорду алдын алуу боюнча улуттук Борбор “Өзгөн районунда жашы алтымыштагы жаранды милиция кызматкерлери сабап, сексуалдык зомбулук менен коркутушкан” деп жарыялады.

Баса, аталган Улуттук борборго Ооган согушунун катышуучусу, экинчи топтогу майып, 60 жаштагы жаран кайрылган. Аны милиция кызматкерлери 85 жаштагы айылдашынын өлүмүнө шектүү сыңары  суракка чакырышкан.

• Алар мени сабай баштаганда “Эмнеге уруп жатасыңар? Мен

60 жаштамын, токтоткула?!?” – деп аябай сурандым. Тилекке каршы, алар ур-токмогун улантышты. Менден алар кошунамды өлтүргөнүмдү мойнума алууну катуу талап кылып, боор тушка, бутка жана башка чапкылашты. Бирөө таяк жана презерватив алып келип, мени сексуалдык зомбулук менен дагы коркутту. Шымымды кадимкидей чечип салышты. Мен полдо отуруп, ыйлап, жосунсуз жорукту токтотууну суранып-жалбардым, – деп ыйлактады пайгамбар жашындагы пенсионер.

          Ушул себептүү Улуттук борбордун аймактык Өкүлчүлүгү жабырлануучудан арыз түшөөр замат Ош облусунун прокуратурасына кайрылды. Кыйноолорду алдын алуу боюнча улуттук борбордун 2020-жылкы баяндамасында кыйноого кабылган адамдардын 83 пайызы милиция кызматкерлеринин катаал мамилесинен жапа чегишкендиги жазылган. 2020-жылы 143 арыз түшкөн. Булардын басымдуулугу милицияга түшкөндө ар кандай кыйноого дуушар болушкандыгын моюндашкан.

Алишер ТОКСОНБАЕВ, өз кабарчы