840 Бардыгы /

БАТКЕН. Быйыл жазында Баткенде Кыргыз-Тажик чек арасындагы куралдуу жаңжалга байланыштуу сотко чейинки териштирүүнүн алкагында 527 материал тыкыр иликтенип жатат. Бул жөнүндө Кыргы Республикасынын Ички иштер министрлигинин Тергөө кызматынын жетекчисинин орун басары Азамат Дүйшөналиев басма сөз жыйынында ачыктады.

ИИМдин расмий өкүлүнүнайтымында, жалпы жонунан 330 экспертиза дайындалган, алардын жарымынын жыйынтыгы даяр болуп калды. Кыргызстанда январь-сентябрь айларында жалпы 66 миң 274 кылмыш, 57 миң 889 жорук катталган. Ал эми ушул жылдын 28-30-апрелинде жана 1-майында Кыргыз-Тажик чек арасындагы куралдуу кагылышта 140 турак жай, беш мектеп, эки фельдшердик-акушердик бекет, үч бала бакча, эки милиция пункту, 24 май куйган бекемт, 60 коммерциялык объект, эки чек ара бекети жана бир клуб толук бойдон талкаланган.

Ал эми Тажикстандын Согдий облусунда 14 турак жай бузулуп, эки үй, бир курулуш жарым-жартылай жабыркаганы маалымдалган. Куралдуу жаңжалда Кыргызстандан 36, Тажикстандан 19 адам набыт тапкан. Эки өлкө муну үчүн бири-бири айыптап, кылмыш иштерин козгошкон.

Алишер ТОКСОНБАЕВ, өз кабарчы