2,142 Бардыгы /

          БАТКЕН. Баткенде бажычылар 3,5 миллион сомдон ашык суммадагы аткезчилик жүктү кармашты. Бул жөнүндө Мамлекеттик бажы кызматынан билдиришти.

          Маалыматка караганда, “Баткен” бажысынын аткезчиликке жана бажы эрежелерин бузууга каршы күрөшүү бөлүмүнүн кызматкерлери УКМКнын Мамлекеттик чек ара кызматынын аскер кызматкерлери жана УКМКнын Баткен облусу боюнча башкармалыгынын кызматкерлери менен биргеликте Кадамжай районунун Галча айылында “Мерседес-Бенц 814” үлгүсүндөгү унааны токтотушкан. Аны текшерүү маалында жүк салынуучу бөлүгүндө Өзбекстанда өндүрүлгөн тиричилик үчүн идиш-аяктар табылган. Жүктүн жалпы салмагы 8216,56 килону түзгөн жана ЕАЭБ аймагына ташып келүүнүн мыйзамдуулугун тастыктаган товар коштоочу документтери жок болгон. “Э.О.” ЖЧК Көз карандысыз экспертиза жана баалоо борборунун корутундусуна ылайык, кармалган товардын орточо базар баасы 3 миллион 577 миң 420 сомду түздү.

          Ошентип, аталган факт КББР АДС МКЖда катталып, кылмыш ишине тиешелүү материалдар бүтүндөй Баткен облустук прокуратурасына өткөрүлүп берилди.

          Алишер ТОКСОНБАЕВ, өз кабарчы