2,694 Бардыгы /

          ОШ. Кара-Суу районундагы Кашкар-Кыштак Айыл өкмөтүнө караштуу №38-Алишер Навои орто мектебиндеги окуяга байланыштуу атайын кылмыш иши козголду.

          Ош облустук ички иштер башкармалыгынын басма сөз катчысы Жеңиш Ашырбаевдин айтымында, мектептин директору тарабынан сабалып, анын кесепетинен буту сынган окуучунун денесиндеги жаракаты текшерилип, соттук-медициналык экспертизанын корутундусу анча оор эмес жаракат алгандыгын ырастады. Бул факты Кылмыштардын жана жоруктардын бирдиктүү реестрине дагы каттталып, 131-берененин 2-бөлүмүнүн 3-пунктуна ылайык денеге атайлап оор эмес зычн ке лтирилгендиги үчүн кылмыш иши козголду.

          Анткени, Кара-Суу районундагы Кашкар-Кыштак айылынын тургуну Э. З. милицияга атайын арыз менен кайрылган. Анда он беш жаштагы уулу Т. А. ны №38-Алишер Навои орт мектебиндеги дене тарбия сабагы маалында аталган мектептин директору И. У. эч кандай себепсиз тепкилеп, а түгүл денесин дагы жаралаган. Мунун кеспетинен Т. А. нын тизеси сынып, Кашкар-Кыштак айылдык ооруканасына жеткирилген. Маалымат Кара-Суу РИИБсынын электрондук журналына дагы катталган.

          Айтмакчы, жабырлануучу Т. А. Кара-Суу районундагы Кашкар-Кыштак Айыл өкмөтүнө караштуу №38-Алишер Навои орт мектебинин 8-классында окуйт. Дене тарбия сабагы маалында буттары ооруп, машыгууга таптакыр чамасы келбей жатканда, аталган мектептин директору И. У. аны эч себепсиз эле тепкилеп, а түгүл колдору менен дагы ургулап, денесине түрдүү даражада жаракат келтирген. Ошондуктан, бала классташтарынын жардамы аркасында гана үйүнө дароо жеткирилген.  

          Эми Кара-Суу районундагы Кашкар-Кыштак Айыл Өкмөтүнө караштуу №38-Алишер Навои орто мектебинин директору И. У кылмыш жообуга тартылабы, же жокпу? Муну убакыт көрсөтөт.

Алишер ТОКСОНБАЕВ, өз кабарчы