1,113 Бардыгы /

ЖАЛАЛ-АБАД. Ноокен районунда дайынсыз болуп жаткан өспүрүм милиция тарабынан табылып, ата-энесине өткөрүлүп берилди

Жалал-Абад ОИИБдин басма сөз кызматы билдиргендей, Ноокен районунун 1979-жылы туулган тургуну Ихтиер Юлдашев милицияга арыз менен кайрылып, 2022-жылдын 4-февралынан бери 15 жаштагы уулу Исламбек үйүнөн мектепке чыгып кеткен бойдон дайынсыз жоголгонун билдирип, аны табууга көмөк көрсөтүүнү суранган.

Бул факты боюнча издөө иштери башталган. Милиция тарабынан жүргүзүлгөн ыкчам-издөө иштеринин натыйжасында Исламбек Таш-Көмүр шаарында ата-энесинен жашынып жүргөн жеринен табылган. Исламбек ата-энесинин катышуусунда берген көрсөтмөсүндө  4-февраль күнү атасы урушуп койгондугунан үйүнөн мектепке кеттим деп чыгып кийин Таш-Көмүр шаарында соода-сатык дүкөндөрдө ар кандай жумуштарды жасап, өзүнүн курсагын тойгузуп, ата-энесинен жашынып жүргөндүгүн билдирген.

Өз кезегинде Исламбектин ата-энеси баласы табылганына сүйүнүп жатышкандыгын, милиция кызматкерлерине ыраазы экендиктерин билдиришкен.