3,204 Бардыгы /

ЖАЛАЛ-АБАД. Милицияга Сузак районунун тургуну коңшу өлкөнүн жарандарын чакырып, уруксат кагаздары жок иштетип жүргөндүгү тууралуу маалымат келип түшкөн.

Жалал-Абад ОИИБдин басма сөз кызматы маалымдагандай, бул маалымат Сузак РИИБдин Маалыматтардын электрондук каттоо журналына катталып, текшерүү иштери башталган. Жалал-Абад ОИИБдинЭкстремизмге жана мыйзамсыз миграцияга каршы аракеттенүү кызматы(ЭММКАК) тарабынан жүргүзүлгөн ыкчам-иликтөө иштеринин натыйжасында Сузак районунда 1996-ж.т. Д.И. өзүнө таандык болгон эки навайканада Өзбекстан Республикасынын 1978-ж.т. Р.М. жана 1980-ж.т. А.Б. аттуу жарандарынэч кандай уруксат кагазы жок иштөөсүнө жана жашоосуна шарт түзүп берип, мыйзамсыз миграция уюштуруп жаткандыгы аныкталган.

Жүргүзүлгөн ыкчам иш-чаралардын жүрүшүндө Д.И. телефон аркылуу Өзбекстан Республикасынын жарандары менен сүйлөшүп, аларды чакырып, күнүнө 600 сомдон төлөп, оозеки келишим түзүп, иштетип жүргөндүгү жана салык кызматынан иштөөгө уруксат патентин алган эместиги такталган.

Натыйжада иш берүүчүгө карата Кыргыз Республикасынын Укук бузуулар жөнүндө кодексинин93-беренесине(Чет өлкөлүк жумушчу күчтү Кыргыз Республикасына тартуу жана пайдалануу эрежелин бузуу)ылайык 20000 сом өлчөмүндө айып пул салынган. Ал эми Өзбекстан Республикасынын жарандарынаКыргыз Республикасынын Укук бузуулар жөнүндө кодексинин94-беренесинин(Чек ара эмгек мигранты тарабынан Кыргыз Республикасында эмгек ишин жүзөгө ашыруунун эрежелеринин бузулушу)негизинде ар бирине 10000 сомдон айып пул салынган.