1,623 Бардыгы /

 БИШКЕК. Кыргыз Республикасынын ички иштер министрлиги Кыргыз-Тажик чек арасындагы соңку окуядан улам социалдык тармактарда тынч жаткан элди катуу дүрбөлөңгө салган маалыматтар таратылыл жатканын шардана кылды.

Кыргыз Республикасынын ички иштер министрлигинин маалыматына караганда,  Баткен облусунда абал туруктуу. Андыктан, жарандарды жалган маалыматтарды таратуудан алыс болууга чакырабыз. Атайын билдирмеде баса айтылгандай, Баткен районундагы Кыргыз-Тажик окуясынан улам айрым жарандар WhatsApp жана башка социалдык тармактарда коомдо кырдаалды туруксуздаштырууга багытталган жалган маалыматтарды таратышып, элди дагы дүрбөлөңгө салышууда.

• Баткен облусундагы ички иштер органдарынын кызматкерлери

  коомдук тартипти жана коопсуздукту камсыздоо максатында ушул жылдын 27-январынан бери күчөтүлгөн тартипте иш алып барышууда. Чек арага чектешкен аймактарда кайгуул-күзөт уюштурулуп, учурда коомдук кырдаал толук көзөмөлдө. Урматтуу жарандар, жалган маалыматтарды таратуудан таптакыр алыс болуп, чагымчылдыкка алдырбаңыздар? Мыйзамды билбегендик кылмыш жоопкерчилигинен бошотпойт! Мындай билдирүүлөрдү таратууга тиешеси барлар сөзсүз жоопкерчиликке тартылат!  — деди Кыргыз Республикасынын ички иштер министрлигинин өкүлү.

         Кыргыз Республикасынын ички иштер министрлигинин жалган билдирүү тараткандар Кылмыш-Жаза Кодексинин 363-беренеси боюнча эки айдан бир жылга чейинки мөөнөткө түзөтүү жумуштарына, же кырк сааттан жүз саатка чейинки коомдук жумушка тартылаарын, же болбосо 50 миң сомго чейин айып пулга жыгылаарын эскертти. Ошондой эле министрлик жалган маалымат таратып, чагымчылдык аракеттерге баргандар болсо, милициянын 102 номери аркылуу кабарлап коюуну дагы өтүндү.

         Алишер ТОКСОНБАЕВ, өз кабарчы