1,149 Бардыгы /

ЖАЛАЛ-АБАД. Жалал-Абад облустук телерадиокомпаниясынын (ЖТРдын) мурунку жетекчиси Куттумидин Базаркуловдун абактагы мөөнөтү дагы узартылды. Бул туурасында Жалал-Абад облустук сотунун басма сөз кызматынан билдиришти.

         Маалыматка караганда, Жалал-Абадшаардык соту Куттумидин Базаркуловду 27-мартка чейин абакта камоо тууралуу чечимди январь айында чыгарган. Улуттук коопсуздук комитетинин (УКМК) кызматкерлери Куттумидин Базаркуловду 27-ноябрда Жалал-Абаддагы үйүнөн кармап кетишкен эле. 28-ноябрда Жалал-Абад шаардык соту аны эки айга камакка алуу чечимин жарыялаган. Атайын кызмат журналист Базаркуловду “Кызматынан кыянаттык менен пайдалануу” беренеси менен катуу айыптап жатат. Анткени, Куттумидин Базаркулов Жалал-Абад облустук телерадиокомпаниясын 2010-2016-жылдары жетектеген.

         Журналист Куттумидин Базаркулов 2021-жылы 10-январда өткөн Президенттик шайлоого талапкерлигин дагы коюп, бирок, таймашка катышуудан кайра тез эле баш тарткан. Ал акыркы жылдары коомдук-саясий иштерге абдан активдүү аралашып, 2020-жылы октябрь окуясынан кийин бийликке келгендерди кескин түрдө ырааттуу сындап дагы жүргөн.

Алишер ТОКСОНБАЕВ, өз кабарчы