2,979 Бардыгы /

          БАТКЕН. Баткен облустук прокуратурасы тарабынан Баткен шаарынын И.Раззаков көчөсүндөгү тротуардын курулушунда аткарылбаган жумушту мыйзамсыз кабыл алуу фактысы боюнча козголгон кылмыш иштин алкагында бир катар жооптуу кызматкерлер кылмыш жоопкерчилигине тартылышты.

          Башкы прокуратуранын басма сөз кызматынын маалыматына караганда, 2019-жылы Баткен шаардык мэриясынын жооптуу кызматкерлери жумуш аткаруучу “Ч.С” жоопкерчилиги чектелген коому тарабынан 2 миллион 964 миң 700 сомдук тротуар (арык-лотоктору менен) курулуш объектисин акты менен колдонууга кабыл алышкан. Бирок, тергөөнүн жүрүшүндө жумуш аткаруучу тарабынан локалдык сметада каралган 1 ммллмон 917 миң 443 сомдук тротуарга асфальт төшөө иши аткарылбагандыгы аныкталып, натыйжада бул зыян толугу менен ордуна коюлду.

          Ошентип, тергөөнүн жыйынтыгында кылмыш иши соттун кароосуна жиберилди.

Алишер ТОКСОНБАЕВ, өз кабарчы