1,341 Бардыгы /

ЖАЛАЛ-АБАД. Токтогул районунда ысырапкерчиликтин, жол кырсыктарынын алдын алуу жана жаш өспүрүмдөр арасындагы кылмыштуулукка бөгөт коюу максатында жыйын болуп өттү. Ага Токтогул РИИБдин кызматкерлери, райондун  прокурору, билимберүү бөлүмүнүн башчысы, райондун имамы, мектеп мугалимдери жана жергиликтүү тургундар катышышты.

Жалал-Абад ОИИБдин басма сөз кызматынын маалыматына ылайык, жыйындын жүрүшүндө Кыргыз Республикасынын Президенти тарабынан ысырапкерчиликке каршы чыгарылган жарлыктын негизинде түшүндүрүү иштери жүргүзүлдү. Анда жарандар бири-бирине атаандашып курулай бедел күтпөй, материалдык чыгымдарды азайтуу зарылдыгы айтылды. Жыйындын катышуучулары тарабынан бул жарлыктын аткарылышына көпчүлүк каршы эмес экендиктерин белгилешти.

Мындан сырткары район аймагында жол кырсыктарына байланыштуу көрүлүп жаткан чараларга кайдыгер карабай, жол эрежелерин так сактоо керектиги эскертилди. Милиция кызматкерлери ата-энелердижаш өспүрүмдөрдү тынымсыз көзөмөлдөөгө, үй-бүлөлүк зордук-зомбулуктардын алдын алууда тыгыз кызматташууга чакырышты.