1,098 Бардыгы /

ЖАЛАЛ-АБАД. Ички иштер органдарында үзүрлүү эмгектенип, ардактуу эс алууга чыккан ардагерлер Өкүмбай Атамбаев 80жашка, Муратбек Сатыбалдиев 70жашка толду.

Жалал-Абад ОИИБдин басма сөз кызматы маалымдагандай, алардын туулган күндөрү менен Ала-Бука РИИБдин начальниги милициянын полковниги Азенбек Козукеев куттуктап, бекем ден соолук жана дөөлөттүү карылык каалады. Ошондой эле жаш кызматкерлерге үлгү болуп, акыл-насаатын айта жүрүүгө чакырды.

Ардагерлерге Кыргыз Республикасынын ИИМдин “Кыргыз милициясына 95 жыл” юбилейлик медалдары тапшырылып, калпак, чепкен кийгизилип, акчалай белек ыйгарылды.

Өз кезегинде сыйлык алып кубанып турушкан ардагерлер Ала-Бука РИИБдин жетекчилигине жана өздүк курамына ыраазычылык билдиришип, ак баталарын беришти.