1,461 Бардыгы /

ОШ. Кыргызстандын Түштүк башкалаасында өткөрүлгөн “Жөө адам өткөөлү” рейдинин алкагында 2 миң 554 жол эрежесин бузуу фактысы катталды. Бул тууралуу Ош ШИИБсынын МККБсынан кабарлашты.

Маалыматка караганда, Ош шаарында өткөрүлгөн “Жөө адам өткөөлү” рейдинин жүрүшүндө жол эрежелерин бузуу фактылары катталып, буга улай протоколдор дагы түзүлдү.Ошентип, ушул жылдын 25-мартынан 4-апрелине дейре жалпы жонунан 2 миң 554 жол эрежелерин орой бузуу фактысы катталды. Булардын арасынан жөө адамдар өтүүчү атайын өтмөктөрдөн өтпөстөн, башка мыйзамсыз жерлерден өткөн жөө жарандарга дагы 97 протокол түзүлдү.

Акырында жанында документи жок автоунаа айдагандарга 32 протокол, мас абалында унаа айдагандарга 15 протокол, автоунаасына мыйзамсыз кошумча жабдык орнотуп алгандарга 3 протокол түзүлдү. Ал эми айып короого 37 унаа киргизилип, дароо токтотулду.

Алишер ТОКСОНБАЕВ, өз кабарчы