1,371 Бардыгы /

БАТКЕН. Баткен облусуна караштуу Кызыл-Кыя шаарында түнкүсүн көчөдө жүрүшкөн беш өспүрүм аныкталды. Бул туурасында Баткен облустук ички иштер башкармалыгынын маалымат кызматынан билдиришти.

Өспүрүмдөрдүн ата-энелерине Укук бузуулар жөнүндө Кодекстин 102-беренесинин (“Ата-энелик милдеттерден качуу”) негизинде атайын протоколдор толтурулуп, айып пулдар дагы салынды. Ошентип, Орозо айында ооз ачуудан кийин жаш өспүрүмдөр ата-энелеринин көзөмөлүнөн чыгышып, акча табуу максатында кооптуу жерлерде жарамазан айтып жүрүшкөндүктөн, аларга милиция кызматкерлери атайын жолугуп, өспүрүмдөрдүн арасында түшүндүрүү иштерин ырааттуу жүргүзүп жаткан чагы.

Мындан тышкары топтошуп өз ара мушташууларга, анан дагы укук бузууларга жол бербөө, кылмыштуулуктун алдын алуу максатында милиция кызматкерлери мечиттерге дагы катташып, таравих намазына келген жаш өспүрүмдөрдүн коопсуздугун такай көзөмөлдөп, аларга кеп-кеңештерин дагы тынымсыз берип жатышат.

Алишер ТОКСОНБАЕВ, өз кабарчы