1,341 Бардыгы /

Беларус санкциялык тизмеге кирген товарлардын бир бөлүгүн Өзбекстандан сатып алууга ниеттенип жатат. Бул тууралуу беларус премьер-министри Роман Головченко өзбекстандык кесиптеши Абдулла Арипов менен Ташкентте жолукканда билдирди.

“Беларус Өзбекстандан товарлардын импортун көбөйтүүгө кызыкдар. Өзгөчө Батыш өлкөлөрү санкцияларды киргизген азыркы шартта өзбек товарларын сатып алууну көбөйтүүгө даярбыз”, – деди Головченко.

Ал биринчи кезекте сөз жип, металл, азык-түлүк жана жашылча-жемиш жөнүндө болуп жатканын айтып, Беларуста бул товарларга суроо-талап жогору экенин белгиледи.

Головченконун айтымында, 2017-жылдан бери Беларус менен Өзбекстандын ортосундагы товар алмашуу көлөмү беш эсеге өскөн.

Өткөн жылы эки өлкө ортосундагы товар алмашуу көлөмү 301,9 миллион долларды түзгөнү, бул 2020-жылдагы көрсөткүчкө салыштырмалуу 7,8% көп экени кабарланган.

Лукашенко 2020-жылы августта Беларуста өткөн президенттик шайлоодон кийин башталган нааразылык акцияларды күч менен тараткан соң Батыш өлкөлөрү Минскке каршы санкцияларды киргизген. Алар Беларус Орусиянын Украинага кол салуусун колдогондон кийин күчөтүлгөн.

WWW.