2,022 Бардыгы /

БАТКЕН. Баткен облусунун борбору Баткен шаарынын Мухтар Нургазиев атындагы көчөсүнүн күн батыш тарабындагы суу жүрүүчү ноолорго  атайын түтүктөр  коюлуп, жөө киши жүрө турган жолдорго катарынан таштар төшөлөт.

Бул саамалыктын башкы максаты – шаар инфратүзүмүн жакшыртуу жана шаардыктарга ыңгайлуу шарт түзүү. Атайын долбоордун алкагында 1000 метрге чукул  жерге түтүктөр  орнотулуп, 2000 м2 жерге кадимкидей таштар төшөлөт. Буга улай жол жээгиндеги электр мамычалары дагы иреттелип,  аялдамалардын айланасы бүт катарынан кенейтилет.

Ошентип, аталган долбоорду жүзөшө ашыруу үчүн жергиликтүү бюджеттен 5600 000 сом акча каражаты каралып, курулуш ишин аяктоо үстүбүздөгү жылдын июль айына белгиленди.

Алишер ТОКСОНБАЕВ, өз кабарчы