1,299 Бардыгы /

          БАТКЕН. УКМК тарабынан Кыргызстандын аймагында контрабандалык ишмердүүлүктү аныктоо жана бөгөт коюу боюнча жүргүзүлгөн ыкчам иш-чаралардын алкагында тиешелүү документтери жок, дары-дармектер салынган автоунаа кармалды.

УКМКнын маалыматына караганда, Баткен облусунун Кадамжай районунун Күнгөй жергесинде Кыргызстандын Т.М. аттуу жаранынын башкаруусундагы “Хундай Портер” үлгүсүндөгү унаасын кармашты. Унааны дыкаат текшерүү маалында жүк ташуу документтери жок 180 даана дары-дармектер – амоксиклав табылды.

Аталган фактынын негизинде атайын кызмат тарабынан Кылмыш-Жаза Кодексинин 231-беренесинин 1-бөлүгү (Экономикалык контрабанда) боюнча кылмыш иши козголду. Ушул тапта тергөө амалдары кызуу жүргүзүлүүдө.