Аймак

ТАКСИДЕ ОҢ РУЛДУУ УНААЛАРГА ТЫЮУ САЛУУ БОЮНЧА ДЕМИЛГЕ КАТ

ТАКСИДЕ ОҢ РУЛДУУ УНААЛАРГА ТЫЮУ САЛУУ БОЮНЧА ДЕМИЛГЕ КАТ

 1,362 Бардыгы /

Урматтуу Жол кыймылынын коопсуздугун камсыздоо боюнча мамлекеттик инспекциясынын жана Ички иштер министрлигинин өкүлдөрү!

Биз, Бишкек шаарынын такси айдоочулары оң рулдуу автоунааларды айдоого карата тыюу салуучу демилге боюнча кайрылып жатабыз. Мындай тыю салуу жалпы такси рыногуна залакасын тийгизиши мүмкүн жана бул ар бирибизге тийиштүү, биздин үйбүлөөбүз менен бала-бакырабызга залакасын тийгизет.

Кыргызстандын таксилеринин басымдуу бөлүгү, оң рулдуу автоунаа
айдашат. Мындай унааларды сатып алуу, өлкөгө киргизүү дайыма оңой жана жөнөкөй болуп келген. Мыйзам буга тыю салган эмес жана азыр да тыюу салбайт. Алар жол кырсыктарына көп кабылат деген жүйөө негизсиз. Анткени, оң рулдуу автоунаалар сыяктуу эле сол рулдуу автоунаалар дагы ар кандай факторлорго байланыштуу, айрыкча жол коопсуздук эрежесин бузгандыктан аварияга кабылып жатат.

Кээ бирибиз жүргүнчүлөрдү “Яндекс” жана “Нави” агрегаторлору аркылуу ташысак, кээ бирибиз “Жорго”, “Би Такси”, “СМС” жана башка
таксопарктар менен иштешебиз. Мындай унаалар бардык жерде, бардык шаарларда бар. Мындай унаалар менен иштей баштаганда биз эң башкысы мыйзам чегинде иш кылууга басым жасап келгенбиз. Эгерде биз бул мыйзамды өзгөртө турган болсок, анда биздин ишибизге тыюу салынып, биз жумушсуз калышыбыз ыктымал. Ал эми таксиде жүргөндөрдүн басымдуу бөлүгү үчүн бул иш үйбүлөөдөгү жападан жалгыз киреше табуучу булак болуп эсептелет. Өлкөдө жумушсуздук күчөйт, үй-бүлөөлөр оокатсыз калат. Эл ташыган айдоочулар азайып, жол жүрүүнүн наркы жана такси кызматы кымбаттайт. Бул тармакта мындай кризистик абалыга жана
социалдык чыңалууга жол бербөө үчүн рыноктун бардык катышуучуларынын талабын сактоо жана урматтоо маанилүү деп эсептейбиз.

Сиздерден суранаарыбыз, бизди түшүнүү менен кабыл алыңыздар. Биз чын дилибиз менен иштөөгө кызыкдарбыз. Бирок мындай кескин түрдөгү тыюу салуулар баарыбызды жумушсуз калтырганы турат.
Сиздердин чечимиңиздерди жана жообуңуздарды күтөбүз, баарыбыздын келечегибиз ушуга көз каранды!

Бишкек таксисттери

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17