1,641 Бардыгы /

БИШКЕК. Президент Садыр Жапаров Гүлнара Баатырованы саламаттык сактоо министринин милдетин аткаруучу кылып дайындады. Анын бул кызматка талапкерлиги кийинки айда Жогорку Кеңеште жайкы тыныгуудан кийин келгенде гана каралат.

Баса, ГүлнараБаатырованын эмгек жолу туурасындагы маалымат дээрлик жокко эсе. Ал Борбордук шайлоо комиссиясынын мүчөсү болуучу. Айрым бир кабарга таянсак, ал кезинде Саламаттык сактоо министрлигине караштуу Медициналык аккредитациялык комиссияны жетектеген. Быйыл
июнь айында кызматынын убактылуу четтетилген саламаттык сактоо министри Алымкадыр Бейшеналиев быйыл 19-августта кызматынан бошотулган. Анын ордуна Жаркынбек Касымбеков министрдин милдетин аткарып жаткан. Бейшеналиев 2-июнда «Коррупцияга» айыпталып камалып, 16-июнда кайра үй камагына которулган. Башкы прокуратура экс-министрге чет өлкөлүк менчик компаниялардан 1,5 миллиарддан ашык сомго вакцина сатылып алынганынан улам айып койгон жана Бейшеналиевге жалпысынан жети кылмыш ишин козголгондугун шардана кылган. Мунун натыйжасында Бейшеналиев менен башкы прокурор Курманкул Зулушевдин тиреши күчөп, президент Садыр Жапаров бул жагдайды иликтөө үчүн атайын коммиссия даны түзгөн эле. Кийинчерек мамлекет башчы маектеринин биринде «Экөөндө тең айып бар» экендигин айткан жайы бар.

Бирок, камалган министр Алымкадыр Бейшеналиевдин адвокаты Кайсын Абакиров 16-августта вакцинага байланыштуу козголгон кылмыш иши токтотулгандыгын жарыялаган. Андан кийин ал “Алтын балалык” ден соолукту чыңдоо жана реабилитациялык борборунун директору болуп дайындалгандыгы айтылган.

Алишер ТОКСОНБАЕВ, өз кабарчы