2,619 Бардыгы /

БАТКЕН. Баткен шаарында Ички иштер органдарынын кызматкерлеринин арасындагы республикалык волейбол боюнча чемпионат жыйынтыкталды. Бул мелдеш милициянын ага сержанты Улан Сарыбаевдин жаркын элесине арналды.

Аталган чемпионатка республикабыз боюнча жалпы жонунан 7 кыздар командасы жана дагы 12 эркектер командасы катышышты. Кыздар арасында 1-орунду Жалал-Абад облустук милициясы багындырса, эркектер арасында 1-орунду Баткен облустук милициясынын командасы ээледи. Мындан тышкары ар бир номинациялар боюнча мыкты оюнчулар дагы иргелди. Буга ылайык Баткен облустук ички иштер башкармалыгынын башчысы Мурат Боронов жакшы оюн көрсөткөндүгү үчүн “Мыкты оюнчу” номинациясына татыды.

Ошондой эле Кыргыз дене-тарбия «Динамо» коомдук бирикмеси тарабынан Ички Иштер Министрлигинин спорт тармагына салым кошкондугу үчүн Баткен облустук ички иштер башкармалыгынын башчысы Мурат Боронов жана облустук милициянын улук инспектору Эрмек Анарбеков “Динамо” төш белгиси менен сыйланышты.

АлишерТОКСОНБАЕВ, өзкабарчы