1,324 Бардыгы /

ЖАЛАЛ-АБАД. Жалал-Абад облусунун ички иштер башкармалыгы тарабынан мал уурулуктарынын алдын алууда биргелешип иштөө максатын көздөгөн видеоролик даярдалды.

Жалал-Абад ОИИБдин басма сөз кызматы маалымдагандай, анда уурдалган малдардын көпчүлүгү жайлоодо, жаз, күз мезгилдеринде жакынкы жайыттарда кароосуз калгандыгы айтылат. Ошондой эле чек арага жакын аймактарда дагы мал уурулук фактылары арбын катталгандыгы белгиленет. Видеороликте кылмышкерлер үчүн кароосуз калган мал жандыктарын уурдоо оңой жолго тураары айтылып, жарандар өз малдарын кароосуз калтырбай, көзөмөлгө алуу керектиги белгиленет. Мал чарбачылыгы менен алектенгендер сарайларга кулпу жана видеокамераларды коюу зарылдыгы эскертилет.

Жалал-Абад облусунун милициясы 2022-жылдын 11 ай ичинде катталган 152 мал уурулук фактыларынын ичинен 84 кылмыштын бетин ачкан. Уурдалган 381 баш малдын 151 башын ээлерине кайтарып берген. Мал уурулук кылмыштарына шектүү катары 68 адамды кармап, 23 адам убактылуу кармоочу жайга киргизилсе, 45 атуул сот органдары тарабынан үй камагына чыгарылган.Мал уурулук боюнча кармалган 68 атуулдардын ичинен 40 адамдан турган 18 кылмыштуу топ кармалган.  Алар 54 мал уурулук фактыларын жасашкан.

Милиция тарабынан жалпы уурулуктардын алдын алуу максатында 8 жолу “Мал уурдоо” аталышындагы ыкчам алдын алуу иш-чарасы өткөрүлгөн.

https://youtu.be/R0bE7fzPN6M видео ушул ссылкада.