387 Бардыгы /

         КРЫМ. Атактуу Сочи шаарындагы «Сириус» илим жана искусство паркында ЕврАзия өкмөттөр аралык Кеңешинин алкагында «ЕврАзия – биздин үйүбүз” аттуу көргөзмө өтүп жаткан чагы. Бул көргөзмө мейкиндигин толтуруу ыкмасы бул көргөзмөнүн өзгөчөлүгү болуп саналат. Бул иш-чарага катышып жаткан өлкөлөрдүн стенддерин өлкөлөр боюнча эмес, кластердик өнөр жай боюнча бөлүштүрүү менен аралаш жайгаштырууну камтыйт.

       Аталган көргөзмөдө өнөр жай кооперациясы, транспорт жана логистика, санариптештирүү жана санариптик өнүгүү, каржы, туризм жана спорт, азык-түлүк коопсуздугу жана энергетика дагы бар. Ошол эле учурда сунушталган долбоорлордун, чечимдердин, өндүрүштөрдүн жана технологиялардын интеграциялык компонентине басым жасалат. Көргөзмөгө ЕАЭБге мүчө мамлекеттерден тышкары КМШ өлкөлөрү жана ЕАЭБ боюнча өнөктөш өлкөлөр дагы чакырылган. Көргөзмөгө катышуучу өлкөлөрдүн премьер-министрлери келишип, анын жүрүшүндө жогорку даражалуу коноктор таанышып, кесиптештерине өз өлкөлөрүнүн эң мыкты өнөр жай иштеп чыгуулары менен таанышышты.

       Баса, Кыргыз Республикасынын стенддери көргөзмөнүн көрүүчүлөрүнүн зор кызыгуусун туудурду. Ошентип, бул көргөзмө экспоненттер үчүн өнөр жайдын түрдүү тармактарында өздөрүнүн мыкты өнөр жай жана технологиялык иштеп чыгууларын көрсөтүү үчүн баалуу мүмкүнчүлүк болуп саналат. Көргөзмөгө Кыргыз Республикасын ар кандай тармактардан 30 компания көрсөтүп жатат. Бул көргөзмөдө тамак-аш өнөр жайынын, кийим тигүү, медицина, курулуш, жеңил өнөр жай жана башка тармактардын өндүрүүчүлөрү – алдыңкы компаниялар болуп саналат. “Куликовский торт” ЖЧКсы, “Экопродукт Азия” ЖЧКсы (Органикалык суусундуктар соода маркасы), “Автомаш-Радиатор” ЖЧКсы, “Интергласс” ЖЧКсы, “Салих” ЖЧКсы, ООО “Бигсер Спорт” сыяктуу Кыргыз Республикасынын аймагында жана ЕАЭБ аймагында белгилүү компаниялардын жана товардык белгилердин продукциялары көргөзмөгө коюлган. Ата мекендик өндүрүүчүлөрдүн экспорттук потенциалын колдоо, ата-мекендик продукцияны жогорку деңгээлдеги эл аралык иш-чарага көрсөтүү жана көргөзмөнүн алкагында ишкердик байланыштарды түзүү мүмкүнчүлүгүн колдоо максатында мамлекет катышууга каржылык колдоо көрсөтүп, логистика маселесине көмөктөштү. Ошол эле учурда Кыргыз Республикасынын Экономика жана коммерция министрлиги иштин бул тармагына активдүү катышты.

        Эске салчужагдай: ЕАЭБ мейкиндигинде биринчи жолу мындай көргөзмө өткөн жылдын май айында Бишкекте биринчи ЕврАзиялык экономикалык форумдун алкагында өткөрүлгөн эле.

Алишер ТОКСОНБАЕВ, өз кабарчы